پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
مستەفا کازمی، سەرۆک وەزیرانی عێراق ئیدانەی هێرشەکەی سەر نوسینگەی شاخەوان عەبدوڵـڵا، جێگری دووەمی سەرۆکی پەرلەمانی عێراقی کرد.
ئەمڕۆ پێنجشەممە، مستەفا کازمی پەیوەندی بە شاخەوان عەبدوڵـڵاوە کرد و ئیدانەی هێرشەکەی شەوی ڕابردووی سەر نوسینگەکەی کرد لە پارێزگای کەرکوک.
هاوکات، کازمی داوای لە هێزە ئەمنییەکان و لایەنە پەیوەندیدارەکان کرد بەدواداچوون بۆ دۆسیەکە بکەن و ئەو کەسانە دەستگیربکەن کە لەپشت هێرشەکەوە بوون.
جەختی لەوەشکردەوە، کە بەردەوام دەبێت لە پشتیوانیکردنی خولی پێنجەمی پەرلەمان تا بتوانێت بە ئەرکی خۆی هەستێت لە دانانی یاسا و دەرکردنی ئەو بڕیارانەی بۆ قۆناغی داهاتووی عێراق پێویستن.