پۆڵەتیك پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
لە ماوەی هەفتەیەكدا، نۆ كۆڵبەری كورد لە رۆژهەڵاتی كوردستان بەهۆی سەرما و تەقەی هێزە ئەمنییەكان بوونەتە قوربانی .
رێكخراوی مافی مرۆڤی هەنگاو ئاشكرایكرد، سێ كۆڵبەری كورد لە گوندێكی سەر بە ورمێ چەند رۆژێك پێش ئێستا و لە كاتی كوڵبەریدا بەهۆی بەفر و سەرماوە، بێسەروشوێن بون و تاكو ئێستا نەدۆزراونەتەوە.
رێكخراوەكە ئەوەشی خستەڕوو، لەم هەفتەیەكدا، دوو كۆڵبەر بە ناوەكانی عوسمان محەمەدی و یاسر سەحرایی، لە كاتی كۆڵبەریدا لە سنووری نێوان ناوچە كوردییەكانی ئێران و هەرێمی كوردستان، بەهۆی تەقینەوەی مینەوە بریندار بون.
باسی لەوەشكردووە، لە (14)ی ئەم مانگەدا كەسێكی تر بەناوی مێهران رەحمانی، كە تەمەنی (24) ساڵ بووە، لە كاتی كۆڵبەریدا بەهۆی تەقەی هێزەكانی سەرسنوری ئێرانەوە، گیانی لەدەستداوە و دوو كۆڵبەری تریش لە هەمان كاتدا بە ناوەكانی ئیبراهیم رەحمانی و هاوڕێ ئەحمەدی بەسەختی بریندار بون.