لایەنێك دانی بە تەقاندنەوەی بۆریە نەوتییەكەی هەرێمدا نا

پۆڵەتیك پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

تەڤگەری شۆڕشگێڕی یەكگرتووی گەلان ناسراو بە ( هەبەدەهە)، بەرپرسیارێتیی تەقاندنەوەی بۆرییە نەوتەكەی هەرێمی لە ماڕەش لەئەستۆ گرت و ڕایگەیاند، بە تەكنیكیكی تایبەت تەقێندراوەتەوە.

تەڤگەری شۆڕشگێڕی یەكگرتووی گەلان ناسراو بە (هەبەدەهە)، كەمێك بەر لە ئێستا ڕاگەیەندراوێكی بڵاوكردەوە و رایگەیاند: ڕۆژی 18_1_2022، هێزەكانی ئێمە بۆری نەوتی ماڕەش_پازارجخیان، بە تەكنیكێكی تایبەت تەقاندەوە و دواتر هێزەكانمان بە سەلامەتیی گەڕانەوە بۆ بارەگاكانیان.

لە ڕاگەیەندراوەكەدا هاتووە، ئەو چالاكییە بۆ تۆڵەكردنەوەی گەلە بندەستەكەمان، توێژی كرێكار، بەرخۆدێرانی زیندان، شەهیدكردنی دەیان شۆڕشگێڕ لەلایەن فاشیستەكانەوە بووە.

شەوی رابردوو بۆری نەوتی هەرێمی كوردستان لە دیوی توركیا تەقێنرایەوە، بەوهۆیەشەوە هەناردەكردنی نەوتی هەرێمی كوردستان بۆ بەندەری جەیهان راگیرا.

لە بارەی روداوەكەوە، كەمال ئەتروشی وەزیری سامانە سروشتیەكان ئاشكرایكرد، بەپێی راپۆرتە سەرەتاییەكان هۆكاری تەقینەوەی بۆرییەكە بەهۆی شۆرتی كارەباوە بووە.

پەخشی راستەوخۆی رادیۆ پۆلەتیک