پۆڵەتیك پرێس
وەزیری تەندروستی هەرێم ئامارەكانی پەیوەست بە ڤاكسین بڵاوكردەوەو رایگەیاند، تائێستا نزیكەی دوو ملیۆن و 50 هەزار ژەمە ڤاكسین دابەشكراون و لەئێستاشدا نزیكەی 771 هەزار ژەمە ڤاكسین بەردەستە.
سامان بەرزنجی وەزیری تەندروستیی هەرێمی كوردستان رایگەیاند، 180 ناوەندی ڤاكسین دابەشكردن و 45 تیمی گەڕۆك كاردەكەن بۆئەوەی هاوڵاتیان خۆیان بكوتن.
ئاماژەی بەوەشكردووە، نزیكەی دوو ملیۆن و 50 هەزار ژەمە ڤاكسین دابەشكراون و ئێستا نزیكەی 771 هەزار ژەمە ڤاكسین بەردەستن.
راشیگەیاند، لە هەرێم هەر سێ جۆری ڤاكسینی دژەڤایرۆسی كۆرۆنای كاریگەر و ڕێگەپێدراو بەردەستن.
وەزیری تەندروستی باسی لەوەكرد، دوو ملیۆن و 820 هەزارو 509 ژەمی ڤاكسین دابینكراوە لەو ژمارەیەژ دوو ملیۆن و 50 هەزاری بەكار هاتووە، بەجۆرێك، ژەمی یەكەم یەك ملیۆن و 170 هەزارو 380 بووە، هەروەها ژەمی دووەمیش 872 هەزارو 660 بووە.