پۆڵەتیك پرێس
بەڕێوەبەرایەتی هاتوچۆی سلێمانی رایگەیاند، لەئێستادا كۆی گشتی شەقامی بازنەیی مەلیك مەحمود – ٦٠مەتری – وسەرجەم سەرپردەكان بەستەڵەك بووە وشۆفێری كردن تیایدا مەترسیدارە.
هاتوچۆی سلێمانی داوادەكات، لە ئێستادا شۆفێریكردن لەو شەقامە ئەگەری كەوتنەوەی روداوی مەترسیداری ھاتوچۆیی لێ دەكەوێتەوە.
دەشڵێن، ” لەبەرسەلامەتی گشتی،تكا وداوامان لەھەمووان ئەوەیە ئەمشەو و سەرلەبەیانی شۆفێری نەكەن و سەردانی ناوچە شاخاوییەكان نەكەن”.
ئەوەش لەكاتێكدایە، لە شەوی رابردوەوە شەپۆلێكی بەفر بارین پارێزگای سلێمانی و شارەكانی دەروبەری گرتوەتەوە بەهۆیەوە پلەكانی سەرما بۆ خوار سفر دابەزیون و گرفتی هاتوچۆیان دروستكردووە.
هەر بەهۆی بەفر بارینیشەوە پارێزگای سلێمانی رۆژی سێ شەممەو چوار شەممەی ئەم هەفتەیەی لە تەواوی دامودەزگاكانی حكومەت كردە پشووی فەرمی.