پۆڵەتیک پرێس
بەشێوەیەکی گشتی ماددەی کافایین لە گەڵای چا، دەنکۆڵەکانی کاکاو و قاوەدا هەیە، لەگەڵ ئەوەشدا لە هەندێک خواردن و خواردنەوەی دیکەشدا هەیە، لەجیهاندا بەڕێژەیەکی بەرچاو بەکاردەهێنرێت.
توێژینەوەکان باس لە زیانەکانی کافایین بۆ خانمانی دووگیان، منداڵان و ئەو کەسانەی نەخۆشیەکانی دڵیان هەیە دەکەن، بەتایبەتی بۆ مندڵان چونکە کاریگەرییەکی زۆری لەسەر گەشە و تەندروستی منداڵ هەیە.
زیانەکانی کافایین بۆ منداڵان:
-کافایین کاریگەری لاوەکی زۆر لەسەر تەندروستی مێشک و گەشەی منداڵ جێدەهێڵێت.
-بەپێی ئەو توێژینەوانەی ئەنجامدراون بەشێکی ئەو منداڵانەی تەمەنیان لەنێوان هەشت بۆ نۆ ساڵدایە و هەروەها ئەوانەشی تەمەنیان لەنێوان 15 بۆ17 ساڵدایە و بەڕێژەیەکی زۆر خواردنەوە کافایینەکانیان خواردۆتەوە توشی بەرزی پەستانی خوێن و ناڕێکی لێدانی دڵ بوون.
-کافایین هۆکارێکە بۆ تێکچوونی گەدە و ئەو منداڵانەی کافایین زۆر بەکاردەهێنن توشی دڵتێکەڵهاتن، ڕشانەوە و سکچوون دەبن.
-ئەو منداڵانەی بەردەوام ماددەی کافایین بەکاردەهێنن کێشەی نوستن و سەرنجدانیان بۆ دروست دەبێت، خەویان کەم دەبێت و توانای سەرنجدانیان بۆ شتەکان لاواز دەبێت.
-لە منداڵان و هەرزەکاراندا مەترسی توشبوون بە جەڵتەی دڵ و مێشک زیاددەکات.