لەم قەزایە پشووی تەواوەتی راگەیەندرا

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

لە قەزای پێنجوێن پشووی تەواوەتی لە سەرجەم خوێندنگە و فەرمانگەكانی قەزاكە راگەیەندرا .

بەهۆی ئەو شەپۆلە بەفربارینەی قەزاكەی گرتوەتەوە بڕیاردرا لەسەرجەم خوێندنگەو فەرمانگەكانی قەزای پێنجوین پشووی فەرمی بێت.

بەهۆی ئەو شەپۆلی بەفربارینەی ناوچە جیاجیاكانی هەرێمی كوردستانی گرتووەتەوە پشووی ناوەندەكانی خوێندن لە بەشێك لە شار و شارۆچكەكانی هەرێمی كوردستان راگەیەندرا، قائیمقامی قەزای پێنجوێن رایگەیاند: لە قەزای پێنجوێن لەپێناو سەلامەتی گیانی خوێندكاران و ماموستایان و فەرمانبەران بڕیاردرا لەسەرجەم خوێندنگەو فەرمانگەكانی قەزاكە پشووی فەرمی بێت.

پێشتر هەریەك لە پەروەردەی رۆژهەڵات و رۆژئاوای سلێمانی رایانگەیاند، لەبەر نزمبوونەوەی پلەكانی گەرما لەڕۆژانی داهاتووودا لە پێناو سەلامەتی منداڵان و قوتابیان لە باخچەكانی منداڵان و بازنەی یەكەمی قۆناغی بنەڕەتی (1 – 3) لەسنووری بەڕێوەبەرایەتییەكانیان، لەسبەینێوە دووشەممە دەوام ڕابگرن.

هاوكات لە سنوری پشدەر و دەربەندیخان و چەمچەماڵ بەهۆی نزم بونەوەی پلەی گەرماو بارینی بەفر، دەوامی سەرجەم باخچەكانی ساوایان و بازنەی یەكەمی قۆناغی بنەڕەتی (1 – 3) راگیران.

هاوكات بەهۆی بەفر بارین و دروستبوونی ئاستەنگی هاتووچۆی ئۆتۆمبێل لە رێگەی سەرەكیی ژمارەیەك گوند و ئاوایی، قایمقامی قەزای چۆمان رایگەیاند، سبەی رۆژی دووشەممە 17-01-2022 دەوامی قوتابخانەكانی سەنتەری قەزا و هەر چوار شارۆچكەكانی حاجی ئۆمەران، قەسرێ، گەڵاڵە و سیملان كرایە پشوو.

پەخشی راستەوخۆی رادیۆ پۆلەتیک