چەند كەسێك بە تۆمەتی دەرهێنانی شوێنەوار دەستگیركران

پۆڵەتیك پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەڕێوەبەرایەتی ئاسایشی شارەزوور رایگەیاند، چوار كەسیان لەكاتی ئەنجامدانی تاواندا دەستگیر كردووە كە سەر قاڵی هەڵكەندنی گردێك بوون و بەدوای شوێنەواردا گەڕاون.

لە راگەیەندراوێكدا بەڕێوەبەرایەتی ئاسایشی شارەزوور رایگەیاند، هێزەكانیان توانیان چوار تۆمەتبار دەستگیر بكەن بەناوەكانی (د . ج . ع) و (پ . ع . م) و (د . م . أ) و (هـ . ن . م) لەكاتی هەڵكەندنی گردێكی شوێنەواری لە یەكێك لە ناوچە شوێنەواریەكانی شارەزوور بەمەبەستی دەرهێنانی شوێنەوار.

ئەوەشخراوەتەڕوو، دوای لێكۆڵینەوە تۆمەتباران دانیان بەتاوانەكەیاندا ناوە و لە نێو ماڵی یەكێك لە تۆمەتبارەكانیشدا و دەست بەسەر ئامێرێكی دۆزینەوەی شوێنەواردا گیرا و دۆسیەی لێكۆڵینەوە كراوەتەوە و لێكۆڵینەوەی زیاتریش بەردەوامە.

پەخشی راستەوخۆی رادیۆ پۆلەتیک