پۆڵەتیک پرێس
کاتێک بابەتەکە دەربارەی پاراستنی تەندروستی پوک و ددانەکان بێت، ئەوا ڕاستەوخۆ پەیوەندی بە خواردنی ڕۆژانەوە هەیە، هەندێک لە خواردنەکان پارێزگاری لە تەندروستی پوک و ددانەکان دەکەن.
ئەم خواردنانە پارێزگاری لە تەندروستی ددانەکان دەکەن:
-زۆر ئاو خواردنەوە
ئاو خواردنەوە تەنها تەندروستی پێست ناپارێزێت، بەڵکو ددانەکان لە ترش و شەکرەکان پاکدەکاتەوە، کاتێک خواردن دەخۆیت و بەشێکی لەنێوان ددانەکاندا دەمێنێتەوە دەبێتە هۆی خواردنی مینای ددان، بەڵام لەکاتی ئاو خواردنەوەندا ددانەکان لەو پاشماوانە ڕزگاریان دەبێت و پاکدەبنەوە.
-شیرەمەنیەکان
شیرەمەنیەکان بەگشتی ماددەی هایدرۆکسیباتیان تێدایە مینای ددان بەهێز دەکەن، بەتایبەتی شیر ڕێژەیەکی زۆر کالیسیۆمی تێدایە کە سەرچاوەیەکی سەرەکیە بۆ ددانەکان.
-بنێشتی بێ شەکر
بنێشتە بێ شەکرەکان ڕۆڵێکی گرنگیان لە پاککردنەوەی ددانەکاندا هەیە.
-ئەو خواردنانەی دەوڵەمەندن بە ڕیشاڵەکان
ئەو خواردن و سەوزەواتانەی دەوڵەمەندن بە ڕیشاڵەکان وەک، سپێناخ، کاهوو، شێلم، جەرجیر و جۆرەکانی دیکەش یارمەتی بەهێزبوونی ددانەکان دەدەن.
-شەربەتی بلوبێری
شەربەتی بلوبێری بەوە ناسراوە بەڕێژەی %95 نیشتووی سەر ددانەکان کەمدەکاتەوە.
-زەیتی گوێزی هیندی
زەیتی گوێزی هیندی پارێزگاری لە تەندروستی پوک دەکات، ڕێگری لە کلۆربوونی ددانەکان و نەخۆشیەکانی پوک دەکات.