پۆڵەتیک پرێس
پزیشکێکی بواری خۆراک باس لە پێنج خواردن دەکات کە یارمەتی کەمکردنەوەی سەرئێشە دەدەن، ئازاری سەر یەکێکە لەو ئازارانەی بەشێکی زۆری خەڵک لەجیهاندا ڕۆژانە بەدەستیەوە دەناڵێنن.
پێنج خواردن چارەسەری سەرئێشە دەکەن:
-ئاو
پزیشکەکە باس لەوە دەکات لەکاتی سەرئێشەدا خواردنەوەی پەرداخێک یان دوو پەرداخ ئاو چارەسەری ئازارەکە دەکات، چونکە زۆربەی کات سەرئێشە بەهۆی وشکبونەوەی جەستە و نەبوونی ڕێژەی ئاوی گونجاو کە جەستە پێویستی پێیەتی ڕوودەدات.
-پەتاتە
یەکێک لە هۆکارەکانی دیکەی سەرئێشە کەمی کانزای پۆتاسیۆمە لە جەستەدا، پەتاتەی برژاو بە توێکڵەکەیەوە باشترین سەرچاوەی کانزای پۆتاسیۆمە.
-بادەم
ڕێژەیەکی زۆر ڤیتامین بی2 و کانزای مەگنسیۆمی تێدایە چارەسەری ژانەسەری نیوەیی دەکات.
-ماسیە چەورەکان
ماسیە چەورەکانی دەوڵەمەند بە ئۆمێگا3 تایبەتمەندی دژەهەوکردنەکانیان هەیە، یارمەتی کەمکردنەوەی ئازاری سەر دەدەن.
-چای زەنجەبیل
تایبەتمەندی دژەهەوکردنی و دژەهستامینی هەیە، دەتوانرێت وەک چارەسەرێک بۆ کەمکردنەوەی ئازاری سەر بخورێتەوە.