پۆڵەتیک پرێس
بەشێوەیەکی گشتی وەک ناسراوە کاربۆهیدرات زیانی زۆری بۆ تەندروستی هەیە لەگەڵ ئەوەشدا وزە بە لەش دەبەخشێت، بەڵام هەندێک خواردن هەن دەوڵەمەندن بە کاربۆهیدرات و تەندروستیشن، بۆیە دەتوانرێت ئەو خواردنانە بۆ سیستمی خۆراکی زیادبکرێن.
چوار خواردنی دەوڵەمەند بە کاربۆهیدرات تەندروستن:
-دانەوێڵەکان
دانەوێڵەکان بەشێکی سەرەکی ژەمەکان دابین دەکەن، دەوڵەمەندن بە ڕیشاڵەکان، ڤیتامین و کانزاکان، ڕێگری توشبوون بە نەخۆشیەکانی شەکرە و شێرپەنجە دەکەن، هەروەها یارمەتی تەندروستی دڵ دەدەن.
-میوەکان
شەکری سروشتی و ڕیشاڵەکانیان تێدایە، ئەو شەکرە سروشتیانەی ناو میوەکان خواستی خواردنی شەکری و شیرینی دیکە کەمدەکەنەوە.
-سەوزەواتەکان
سەوزەواتەکان سوودی زۆریان بۆ تەندروستی هەیە، ڕیشاڵەکانی ناویان یارمەتی کۆنتڕۆڵکردنی ڕێژەی شەکری خوێن و کێشی لەشن دەدەن، مەترسی توشبوون بە نەخۆشی شەکرە کەمدەکەنەوە، هەروەها دەوڵەمەندن بە دژەئۆکسانەکان مەترسی توشبوون بە شێرپەنجە و هەوکردنەکان کەمدەکەنەوە.
-پاقلەمەنیەکان
فاسۆلیا، نۆک، نیسک و پاقلەمەنیەکانی دیکەش ڕێژەیەکی زۆر کاربۆهیدراتیان تێدایە، سەرچاوەیەکی سەرەکی پڕۆتین و ڕیشاڵەکانن، وزە بە لەش دەبەخشن و یارمەتی کرداری هەرس و ڕیخۆڵەکان دەدەن.
قەیوان گروپ
مایۆرکا سیتی جوانییەک لە دڵی سروشتدا
