کوەیت لەبارەی راوکردنی باڵندەکانی عێراق هۆشداری دەداتە کوەیتییەکان

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

باڵیۆزخانەی کوەیت لە عێراق داوای لە هاوڵاتیانی کوەیت کرد خۆیان دووربگرن لە راوکردنی باڵندەکانی عێراق.

لە راگەیەندراوێکدا باڵیۆزخانەی کوەیت لە عێراق داوای لە کوەیتییەکان کرد پابەندبن بە رێنماییەکانەوە و واز لە راوکردنی باڵندەکانی بیابانی سەماوە بهێنن لە پارێزگای موسەنا و ناوچەکانی دیکەی باشووری عێراق.

هاوکات، داوای لەو کوەیتییانە کرد کە ڤیزای عێراق بۆ بۆنە ئاینییەکان وەردەگرن و بەبیانووی ئەو بۆنانەوە لە عێراق باڵندە راودەکەن، واز لەو ئارەزووەیان بهێنن، چونکە پێچەوانەی یاسایە و خۆیان نەخەنە مەترسییەوە.

باڵندەکانی عێراق دووچاری راوکردن دێن بەهۆی چەند هۆکارێکەوە لەنێویاندا هۆکاری ئابووری، راوکردنی باڵندە و دواتر فرۆشتنی لەناو عێراق و وڵاتانی دراوسێ بووەتە سەرچاوەیەکی داهات، بەمهۆیەوە سامانی باڵندەی ناوچەکانی خوارووی عێراق هەڕەشەیەکی گەورەیان لەسەرە، بەتایبەت کە چەندین جۆری دانسقەی باڵندە لە بیابانەکانی خوارووی عێراقدا بوونیان هەیە.