وەزارەتی تەندروستی لە بارەی دەوامی نەخۆشخانەكان لە رۆژانی پشوودا بڕیاریدا

پۆڵەتیك پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزارەتی تەندروستیی هەرێمی كوردستان رایدەگەیەنێت، لە رۆژانی پشووی سەری ساڵ سەرجەم سەنتەرەكانی وەرگرتنی ڤاكسین كراوە دەبن بۆ پێشوازی لەو هاووڵاتیانەی كە مەبەستیانە ڤاكسین وەربگرن، هاوکات دەوامی نەخۆشخانەكان بەشێوەی ئێشكگری دەبێت.

رۆژی شەممە 25-12-2021 وەزارەتی تەندروستیی هەرێمی كوردستان راگەیەندراوێكی لەبارەی دەوامی نەخۆشخانە و بنكە تەندروستییەكان لە رۆژانی پشوو بڵاوكردەوە و دەڵێت ” هاووڵاتیانی بەڕێز و دام و دەزگاكانی تەندروستی ئاگاداردەكەینەوە كەوا رۆژانی پشووی فەرمی هەمان رۆژانی پشووی راگەیاندراوە كە لایەن حكومەتی هەرێمی كوردستان لە 25-12-2021 دەستپێدەكات تاوەكو 2-1-2022 كە یەكەم رۆژی دەوام دەبێت بۆ ئەم مەبەستە نەخۆشخانە و دامودەزگا تەندروستییەكان رادەسپێرێت كە تەنها ئێشكگری دەبێت بۆ كارئاسانی هاووڵاتیان و بەرژەوەندی گشتی بەپێی ئەم رینماییانەی خوارەوە:

1/ پابەندبوون بە ڕێكارەكانی خۆپارێزی دژی ڤایرۆسی كۆرۆنا بە بەستنی ماسك و دووركەوتنەوەی كۆمەڵایەتی لە قەرەبالغی و بایەخدان بە پاكوخاوێنی تاك بەتایبەت دەست شوشتن.

2/ پابەندبووون بە وەرگرتنی ڤاكسین لەلایەن هاووڵاتیان لە سەنتەرەكانی پێدانی ڤاكسین .

3/ لە رۆژانی پشووی سەری ساڵ سەرجەم سەنتەرەكانی وەرگرتنی ڤاكسین كراوە دەبێ بۆ پێشوازی لەو هاووڵاتیانەی كە مەبەستیانە ڤاكسین وەربگرن.

4/ فریاكەوتنەكان 24 كاژێركراوە دەبن بەشێوەی ئێشكگری.

5/ دەوامی نەخۆشخانەكان بەشێوەی ئێشكگری دەبێت.

6/ نۆرینگە دەرەكیەكان كراوە دەبن لە رۆژانی پشوو.

7/ راوێژكارییە 24 كاژێرییەكان كراوە دەبن بە پێی خشتەی دەوامكردنیان لە لایەن بەڕێوەبەرایتییە گشتییەكان دیاریدەكرێت.

8/ سەنتەرەكانی شووشتنی گورچیلە بەردەوام كراوە دەبێت بەشێوەی ئێشكگری كە لەلایەن بەڕێوەبەرایتییە گشتیەكان دیاری دەكرێت.

9/ تیمەكانی فریاگوزاری و هێڵی 122 بەردەوام دەبن لە ئەرك و كارەكانیان بەشێوەی 24 كاژێری وە بەهۆی پزیشكی فریاكەوتن خشتەی دابینكردنی تیمەكانی دادەنێت بۆ شوێنەكانی پێویست و گەشتیاری.
10/ لەكاتی پێویستدا كۆگاكانی دەرمان و پێداویستی پزیشكی و تاقیگەیی كراوە دەبن لە سەرجەم شار و شارۆچكەكان.

11/ تیمەكانی (پشكنینی ئاوی خواردنەوەی ماڵان و نەخۆشییە گوازرەوەكان و چاودێری تەندروستی) بەردەوام دەبن لە بەدواداچوونەكانیان.

12/ پێشكەشكردنی خزمەتگوزاری تەندروستی بۆ ئاوەرەكان لە كەمپەكان بەردەوام دەبێت.

13/ پابەندبوونی پزیشكانی پسپۆڕ و نیشتەجێی دێرین و خولاو و پەرستار و كارمەندانی تەندروستی بە دەوامی ئێشكگری لە رۆژانی پشوودا.

14/ هێڵەكانی مۆبایلی بەڕێوەبەر و بەپرس و وەرگری بەشەكان كراوە دەبن و وەڵامی پەیوەندییەكان دەدرێنەوە لە رۆژانی پشوو.

15/ لیژنەكانی بەدواداچوون لەسەرجەم بەڕێوەبەرایەتییە گشتییەكان و نەخۆشخانەكان بەردەوام دەبن بۆ بەدواداچوونی دەوامی نەخۆشخانە و دەزگا تەندروستییەكان.

قەیوان گروپ

 


مایۆرکا سیتی جوانییەک لە دڵی سروشتدا