پۆڵەتیک پرێس:
مەکتەبی سیاسی یەکێتی نیشتیمانی کوردستان بەبۆنەی جەژنی لەدایکبوونی حەزرەتی مەسحەوە، پیرۆزبایی لە هاوڵاتیانی مەسیحی کوردستان دەکات.
دەقی پیرۆزباییەکە:
خوشك و برایانی مەسیحی لەكوردستان و عێراق ، بەبۆنەی جەژنی لەدایكبوونی حەزرەتی مەسیح پیرۆزبایی گەرمتان ئاڕاستە دەكەین و هیوای ژیانێكی پڕ لە بەختەوەریتان بۆ دەخوازین لە كوردستان، لەگەڵ گشت ئاینزاكانی تردا لەسایەی ئۆقرەیی و ئارامیدا زیاتر پارێزراو بن .
بەڕێزان ئەمڕۆ كە ئێوە و جیهانی كریستیانەكان ئەم یادە مەزنە بەرز و پیرۆز دەكەن، وێڕای ئەو هەڕەشانەی ساڵانی رابردوو لەناوچەكانی نەینەوا و ناوەڕاست و باشووری عێراق لەسەر ژیانی خوشك و برا مەسیحیەكانی ترتان هەبوو، بەڵام خۆشحاڵین بەوەی كە بەشێكی زۆری ئەو ئاوارە و لێقەوماوانەی لەگەڵ ئێوەدا لە ناوچەكانی هەرێمی كوردستان ئامێزیان بۆ كراوەتەوە و ژیانیان دەستپێكردۆتەوە ، بەسووربوونتان لەسەر گیانی پێكەوەیی لەگەڵ خوشك و برا مسوڵمان و ئاینزاكانی تردا بەردەوام بوون لەسەر كار و خزمەتكردن و ئەمەش وێنەیەكی جوانی بە كوردستان بەخشیووە كە ئەم ناوچەیە نیشتیمانی فرەیی و پێكە‌وەییە.
بۆیە ئێمەش لە مەكتەبی سیاسی ی.ن.ك لە سۆنگەی باوەڕبوونمان بەئازادییە ئاینیەكان و پێزانینمان بەڕۆڵی جوامێرانەی ئێوەی ئازیز، جارێكی تر وێڕای پیرۆزبایی گەرممان پشتیوانی و پشتگیریی خۆمانتان بۆ دووپاتدەكەینەوە كە پارێزەری گشت مافەكانتان دەبین، تاوەكو پێكەوە بەجیاوازیی بیروڕا و ئایینیمانەوە بەردەوام بین لە خزمەتكردنی ئەم نیشتیمانە بۆ برەودان بە ژیانێكی باشتر و ئارامتر بۆ هەموان.
قەیوان گروپ
مایۆرکا سیتی جوانییەک لە دڵی سروشتدا
