ململانێی ئەمریکا و ئێران ڕاستەوخۆ کاریگەری دەکاتە سەر عێراق

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزیری دەرەوەی عێراق “ململانێی نێوان ئەمریکا و ئێران بە شێوەیەکی ڕاستەوخۆ کاریگەری لەسەر بارودۆخی عێراق دروست دەکات”.

ئەمڕۆ پێنج شەممە 23-12-2021، فوئاد حسێن وەزیری دەرەوەی عێراق جەختی لەوە کردەوە، ململانێی نێوان ئێران و ئەمریکا ڕاستەوخۆ کاریگەری لەسەر بارودۆخی عێراق دروست دەکات، ئاماژەی بەوەدا باشتر وایە واشنتۆن و تاران دیدارێک ڕێکبخەن.

وەزیری دەرەوەی عێراق لە کۆنگرەیەکی ڕۆژنامەوانیدا بە ئامادە بوونی هاوتاکەی ئەمیر عەبدوڵایان ڕایگەیاند، کاتی ئەوە هاتووە ئەمریکا و ئێران ڕاستەوخۆ گفتۆگۆ ئەنجام بدەن، بۆ ئەوەی بگەنە لێکتێگەیشتنی هاوبەش.

ڕوونیشی کردەوە، کە کۆبوونەوەکەیان تەنها لەسەر پرسی ئەتۆم نیە، بەڵکو لەسەر بابەتی سزاکانیشەو وتیشی”ئێمە هەوڵدەدەین پەیوەندی لە نێوان ئەمریکا و ئێران دروست بکەین و لێکۆڵینەوەکان فراوان بکەین”.

وتیشی “عێراق پەیام پێشکەس ناکات، بەڵکو بە دوای چارەسەرێکدا دەگەڕێت، بۆ ئەوەی دانوستان لە نێوان ئەمریکا و ئێران ڕێکبخات و واشنتۆن بهێنێتە سەر مێزی گفتوگۆ”.

ئاماژەی بەوەشدا، عێراق متمانەی بە ئەمریکا و ئێرانیش هەیە، بەڵام میکانیزمی دانوستان دیار نیە.

پەخشی راستەوخۆی رادیۆ پۆلەتیک