چەند فراكسیۆنێك بایكۆتی دانیشتنی پەرلەمانیان كرد

پۆڵەتیك پرێس:

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

هەریەكە لە فراكسیۆنەكانی گۆڕان و كۆمەڵ و یەكگرتوو و بەشێك لە پەرلەمانتارانی فراكسیۆنی یەكێتی و سەربەخۆكان لە پەرلەمانی كوردستان بایكۆتی دانیشتنی پەرلەمانی كوردستانیان كرد كە تایبەتە بە خوێندنەوەی پرۆژە یاسای هەڵگرتنی چەك لە هەرێمی كوردستان.

لە كۆنگرەیەكی رۆژنامەنووسیدا پەرلەمانتارانی فراكسیۆنە جیاوازەكان و سەرۆكی ئەو فراكسیۆنانەی بایكۆتی دانیشتنەكەی پەرلەمانیان كردووە رایانگەیاند: هۆكاری بایكۆتكردنەكە دەگەڕێتەوە بۆ بوونی ئەو سەرەنج و تێبینییانەی كە لەسەر ماددەی 13 ی پرۆژە یاساكە هەیانبووە و دەستەی سەرۆكایەتی پەرلەمان سەرەنج و تێبینییەكانیانی بەهەند نەگرتووە.

یەكێك لەو رەخنانەی لە پرۆژە یاساكە گیراوە لە ماددەی 13 دوو دەستەواژەی تێدایە كە سزای لەسێدارەدانی هەیە، یەكێكیان دەستەوای (یاخیبوون) ە لە ناو پرۆژە یاساكەدا هاتووە و پێناسەی یاخیبوونی نەكردووە، هاوكات هێنانی یاسای بەرەنگاربوونەوەی تیرۆر بۆ ناو ئەم پرۆژە یاسایەش خاڵێكی دیكەی ناكۆكی ئەو فراكسیۆنانە بووە كە گوێیان لێنەگیراوە و بایكۆتی دانیشتنەكەی پەرلەمانیان كردووە.

قەیوان گروپ

 


مایۆرکا سیتی جوانییەک لە دڵی سروشتدا