سوودەکانی زەیتی ناوکی ترێ

پۆڵەتیک پرێس

توێژینەوەکان دەریانخستووە زەیتی ناوکی ترێ سوودێکی زۆری بۆ پێست و قژ هەیە، لەگەڵ ئەوەشدا ترشە چەوریەکان و ماددە سوودبەخشەکانی ناوی وایکردووە سوودێکی زۆری بۆ تەندروستی دڵ هەبێت.

سوودەکانی زەیتی ناوکی ترێ:

-زەیتی ناوکی ترێ سوودێکی زۆری بۆ تەندروستی دڵ هەیە دەتوانرێت بۆ چێشتلێنان لەجێی ڕۆن و کەرە بەکاربهێنرێت.

-یارمەتی شێدارکردنەوەی پێست دەدات و ڕێگری لە زبری و قڵیشانی پێست دەکات.

-دەوڵەمەندە بە ئۆمێگا6 یارمەتی خێرا ساڕێژبوونی برینەکان دەدات.

-تایبەتمەندی دژەمیکرۆبی هەیە، ڕێگری لە گەشەی میکرۆب و بەکتریاکان لە جەستەدا دەکات.

-یارمەتی تەندروستی و بەهێزبوونی قژ دەدات و ڕێگری لە هەڵوەرینی دەکات.