ڕێبوار عەلی شامار: سكاڵای یاسایی تۆماردەكەم

پۆڵەتیك پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

رێبوار عەلی شامار، رایگەیاند، لە هەفتەی داهاتووەوە دەستدەكەم بە تۆماركردنی سكاڵا لەسەر سەرجەم ئەو دەزگا میدیایی و ماڵپەڕ و پەیجانەی كە بە ناحەق و ناڕەوا هێرش دەكەنە سەرمان و تیرۆری كەسایەتیمان دەكەن.

لە روونكردنەوەیەكدا رێبوار عەلی شامار، ئەفسەری پۆلیس رایگەیاند: ژمارەیەك پەیج و سایتی بێخاوەن و ئاڕاستەكراو لەلایەن چەند كەسێكی ناخ پیس، دوور لە هەموو بەهاكانی مرۆڤایەتی و مافی كەسێتی، بە مەبەست كەوتوونەتە تیرۆركردنی كەسێتی مەعنەویی من و چەند رۆژێكە بە داتاشینی درۆ و بوختان دەیانەوێت ناشرینییەكانی خۆیانی پێدابپۆشن.

ئەوەشی خستووەتە ڕوو، بۆ رای گشتی و یەكێتییەكان و هەڤاڵانمی رووندەكەمەوە من وەك كەسێكی سەربازی پابەندم بە راپەڕاندنی ئەركەكانی خۆم لە چوارچێوەی دسپلینی سەربازی و پەیوەست بوون بە یاسا و رێكارەكانەوە.

روونیشیكردوەتەوە وەك ئینتمای حزبیش لای هەموو لایەك روونە خانەوادەكەمان هەمیشە لە ڕیزی پێشەوەی خەبات بوون و رۆژێك لە ڕێگای راستی كوردایەتی و یەكێتی لایان نەداوە كە ئەمە ئەمانەتە، بۆ ئێمەش هەروەهایە و پابەندین بە سیاسەتی گشتی یەكێتیی نیشتمانیی كوردستان و رێبازەكەی سەرۆك مام جەلال و خوێنی شەهیدان .

باسی لەوەشكردووە، هەر بوختان و درۆیەك، نەك ساردمان ناكاتەوە بەڵكو سورترمان دەكات لەسەر بیروبۆچوونەكانمان، لە هەفتەی داهاتووەوە دەستدەكەم بە تۆماركردنی سكاڵا لەسەر سەرجەم ئەو دەزگا میدیایی و ماڵپەڕ و پەیجانەی كە بە ناحەق و ناڕەوا هێرش دەكەنە سەرمان و تیرۆری كەسایەتیمان دەكەن.

پەخشی راستەوخۆی رادیۆ پۆلەتیک