پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وەزارەتی كشتوكاڵی هەرێم هۆكارەكانی گرانبوونی نرخی پەینی كیمیاوی ئاشكراكرد و بۆ چارەسەركردنیشی بانگهێشتی كۆمپانیاكان دەكات.
وەزارەتی كشتوكاڵ و سەرچاوەكانی ئاوی هەرێم لە ڕاگەیەنراوێكدا بڵاویكردەوە، گۆڕانكاریەكانی كەشوهەوا و هەڵكشانی نرخی گازی سروشتی و ڤایرۆسی كۆرۆنا و دابەزینی نرخی دینار هۆكارن بۆ بەرزبونەوەی نرخی پەین.
ئەوەشی خستووەتەڕوو، بەراورد بە ساڵی رابردو، نرخی یەك تۆن پەین 500 دۆلار زیادیكردووە و نرخەكەشی بەردەوام لە هەڵكشاندایە.
وەزارەتی كشتوكاڵ ڕاشیگەیاندووە، لە پێناو پاڵپشتی جوتیاران و دابەزاندنی نرخی پەینی كیمیاوی بانگهێشتی هەر كۆمپانیایەك دەكەن كە بتوانێت پەین هاوردەی ناو بازاڕەكانی هەرێم بكات و بە نرخێكی هەرزان و گونجاو بیداتەوە بە جوتیاران، بۆ ئەو مەبەستە لە وەزارەتی كشتوكاڵ مۆڵەتی فەرمی پێدەدەن و هەموو كارئاسانییەكی بۆ دەكەن.