لیژنەی دانانی پرۆگرامەكانی وەزارەتی پەروەردە لێپرسینەوەیان لەگەڵ دەكرێت

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ئەندامێكی ئەنجومەنی پارێزگای هەولێر رایگەیاند،ژمارەیەك ئەندامی ئەنجومەنی پارێزگای هەولێر سكاڵایان لە دژی وەزارەتی پەروەردە تۆماركرد، لەسەر پرسی بێ‌ رێزیكردن بە ئیسلام، بەوهۆیەوە لێپرسینەوە لەگەڵ لیژنەی دانانی پرۆگرامەكانی وەزارەتی پەروەردە دەكرێت.

غازی عەلی، ئەندانی ئەنجومەنی پارێزگای هەولێر ڕایگەیاند: پێنج ئەندامی ئەنجومەن یاداشتێكمان نوسی و ئاڕاستەی داواكاریی گشتیمان كردو سەرۆكی داواكاری گشتی پاڵپشتی داواكارییەكەی كردین و پەیوەندی بە وەزیری پەروەردەوە كرد.

وتیشی: لەسەر داواكاریەكەی ئێمە بڕیار درا بە لابردنی ئەو بەشەی كە بێڕێزی بەرانبەر بە ئاینی پیرۆزی ئیسلام تێدایەو بڕیاریشدرا لێپرسینەوە لەگەڵ لیژنەی نوسینەوەی ئەو پرۆگرامە بكرێت.

پێشتر وەزارەتی پەروەردەی هەرێمی كوردستان لە راگەیەندراوێكدا رایگەیاند كە ئەو دەستەواژەیەی لە كتێبی كوردیی پۆلی 10ـی ئامادەیی بووەتە جێگەی رەخنە بۆ ئەمساڵی خوێندن لادەبرێت، هاوكات پێداچوونەوە بە كتێبەكەدا دەكەن و بۆ ساڵی نوێی خوێندن، كتێبێكی دیكە دەخوێندرێت.

رۆژی 11-12-2021 بەڕێوەبەرایەتیی گشتیی پرۆگرامەكانی وەزارەتی پەروەردە ئاماژەی بەوە كرد كە ئەو بابەتە كۆنە و ماوەی 14 ساڵە لەو كتێبەدا هەیە. وەزارەتی پەروەردەش دەڵێت، ئەوان سەرقاڵی پێداچوونەوەن بە هەموو پرۆگرامەكانی خوێندن كە بەشێوەیەكی زانستی و پلەبەندی دەكرێت.

پەخشی راستەوخۆی رادیۆ پۆلەتیک