پۆڵەتیک پرێس
میوە وشککراوەکان بەگشتی سوودێکی تەندروستی زۆریان هەیە، دەتوانرێت وەک ژەمێکی سووک لە بەینی ژەمە سەرەکیەکاندا بخورێت، یەکێک لە باشترین میوە وشککراوەکان هەڵوژەی وشکە.
هەڵوژەی وشککراو سەرچاوەیەکی سەرەکی ڤیتامین و کانزاکانە، ڕێگری لە کەمبوونی ئۆکسجینی خانەکان دەکات، کۆنتڕۆڵی هەستی خواردن دەکات، هەستی تێربوون زیاد دەکات و کالۆری کەمە، ئەمەش ڕۆڵێکی گرنگی لە دابەزاندنی کێشدا هەیە، توێژینەوەکان سەلماندویانە ئەو کەسانەی پێش ژەمە سەرەکیەکان هەڵوژەی وشک دەخۆن لەکاتی ژەمەکاندا کەمتر دەخۆن و کالۆری کەمتر بەدەست دەهێنن بەراورد بەکەسانی دیکە.
هەڵوژەی وشک گرنگییەکی زۆری بۆ تەندروستی بینین و دڵ هەیە، ڕێگری توشبوون بە چەندین نەخۆشی دەکات، لەگەڵ ئەوەشدا پێویستە بەرێژەیەکی گونجاو بخورێت و زیادەڕەوی لە خواردنیدا نەکرێت بۆئەوەی نەبێتە هۆی زیان.