چەند گرام شوکولاتە مرۆڤ خۆشبەخت دەکات؟

پۆڵەتیک پرێس

شوکولاتە لە تەواوی جیهاندا خواستێکی زۆری لەسەرە، ئەگەر بەڕێژەیەکی گونجاو بخورێت سوودێکی تەندروستی زۆری بۆ جەستە دەبێت.

توێژینەوە نوێیەکان دەریانخستووە ڕۆژانە خواردنی 10 گرام شوکولاتەی ڕەش میزاجی مرۆڤ باشتر دەکات و خۆشبەختری دەکات، لە ئەنجامی توێژینەوەکەدا دەرکەوتووە ئەو کەسانەی ڕۆژانە 10 گرام شوکولاتەی ڕەش دەخۆن بەراورد بەو کەسانەی هیچ شوکولاتە ناخۆن خۆشبەخترن.

زانایان جەخت لەوەش دەکەنەوە ڕۆژانە لەو ڕێژەیە زیاتر نەخورێت، چونکە دەبێتە هۆی زیادبوونی کێش، شوکولاتەی ڕەش ڕێژەیەکی زۆر کاکاوی تێدایە، دەوڵەمەندە بە ڕیشاڵ، ئاسن و کانزاکانی دیکە کە سوودێکی زۆریان بۆ جەستە هەیە.