پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وەزارەتی كاروكاروباری كۆمەڵایەتی لە راگەیەندراوێكدا ئاگاداری خاوەن پێداویستی تایبەت دەكاتەوە ئەوانەی تەلەفۆن دەكەن بۆیان و داوای كارتی مۆبایل و پارەیان لێدەكەن بەناوی گێڕانەوەی مووچەی فەوتا و یان وەرگرتنی زەوی كەسانی قۆڵبڕن.
لە راگەیەندراوێكدا وەزارەتی كاروكاروباری كۆمەڵایەتی رایگەیاند: ئاگاداری سەرجەم كەم ئەندامان و خاوەن پێداویستی تایبەت دەكەین كە چەند كەسێكی نەفس نزم بە ناوی تۆڕی پاراستنی كۆمەڵایەتی تەلەفون دەكەن داوای كارتی مۆبایل و پارە لە كەم ئەندامان و خاوەن پێداویستی تایبەت دەكەن لەبەرامبەر گێڕانەوەی موچەی فەوتاویان لە رابردوودا یان وەرگرتنی زەوی نیشتەجێ بوون بۆیان.
لە راگەیەندراوەكەی وەزارەتی كاروكاروباری كۆمەڵایەتیدا هاتووە: بە پێویستی دەزانین كە پێتان رابگەیەنین ئەو كەسانە هیچ پەیوەندیان بە بەڕێوەبەرایەتیەكانی وەزارەتمانەوە نییە و كەسانی قۆڵبڕن بۆ مەرامی تایبەتی خۆیان ئەم كارە دەكەن هەر كەسێك بەو شێوازە داوای كارتی مۆبایل یان پارەی لێكردن راستەو خۆ ژمارەی مۆبایلەكەی بدەنە دەزگا پەیوەندیدارەكان.