پۆڵەتیک پرێس:
ئەمڕۆ چوارشەممە مستەفا کازمی، سەرۆک وەزیرانی عێراق بەیاوەری شاندێکی باڵای ئەمنی عێراق گەیشتە قەزای مەخمور.
بەپێی ئەو زانیارییانەی بەردەستن، کازمی بە یاوەری شاندێکی ئەمنی کە پێکهاتووە لە وەزیری بەرگری عێراق و سەرۆکی ئەرکانی سوپا و جێگری فەرماندەی ئۆپەراسیۆنە هاوبەشەکان و سەرۆکی دەزگای روبەڕوبوونەوەی تیرۆر و بریکاری وەزارەتی ناوخۆ بۆ کاروباری هەواڵگری و ژمارەیەک لە سەرکردە ئەمنییەکان، گەیشتووەتە قەزای مەخمور.
پێشتریش کازمی گەشتە فڕۆکەخانەی نێودەوڵەتی هەولێر و لەگەڵ مەسرور بارزانی سەرۆکی حکومەتی هەرێم کۆبووەوە.