توركیا فەرماندەیەكی یەبەشەی لە شنگال شەهید كرد

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

لە هێرشێكی فڕۆكەی بێفڕۆكەوانی توركیا لە خانەسوری شنگال، مەروان بەدەل خودێدا، ناسراو بە (دوار) هاوسەرۆكی دەستەی بەڕێوەبەریی شنگال شەهیدبوو.

ئەمڕۆ سێشەممە 7_12_2021، فڕۆكە بێفڕۆكەوانەكانی سوپای توركیا ئۆتۆمبێلی مەروان بەدەل خودێدا، هاوسەرۆكی دەستەی بەڕێوەبەریی شنگالی بۆردوومانكرد و لەكاتی هێرشەكەدا هەردوو منداڵەكەشی لەگەڵدابووە.

بەهۆی هێرشەكەوە مەروان بەدەل خودێدا، هاوسەرۆكی دەستەی بەڕێوەبەریی شنگال شەهیدبووە و هەردوو منداڵەكەشی لەلایەن هاوڵاتییانی ناوچەكەوە لە ئۆتۆمبێلەكەدا ڕزگاركراون.

ئەوە چوارەم فەرماندەی یەپەشەیە كە لە شنگال لەلایەن فڕۆكەكانی توركیا دەكرێنە ئامانج.

تا ئێستا یەپەشە و توركیا هیچ راگەیێندراوێكیان لەسەر ئەو رووداوە بڵاو نەكردووەتەوە.

پەخشی راستەوخۆی رادیۆ پۆلەتیک