نرخی نەوت بەرزدەبێتەوە

پۆڵەتیک پرێس:

ئەمڕۆ سێشەممە سەرباری مەترسییەکانی زیاتر بڵاوبوونەوەی کۆرۆنای گۆڕاوی ئۆمیکرۆن لە جیهاندا، نرخی نەوت بەڕێژەی %5 بەرزبووەوە.

بەپێی دوایین ئاماری ماڵپەڕی ئۆیڵ پرایز، لە ئێستادا یەک بەرمیل نەوتی خاوی برێنت لە بازاڕەکانی جیهاندا بە 73 دۆلار و 92 سەنت مامەڵەی پێوەدەکرێت.

هاوکات، یەک بەرمیل نەوتی خاوی ئەمریکی بە 70 دۆلار و 50 سەنت لە بازاڕەکانی جیهاندا مامەڵەی پێوەدەکرێت.

پێشتر ئەنتۆنی فاوچی، پزیشکی نەخۆشیە گوێزراوەکان بە تۆڕی سی ئێن ئێنی راگەیاند، “پێناچێت تا ئێستا مەترسییەکی وا گەورە لەبارەی ئۆمیکرۆنەوە هەبێت”.