خۆپیشاندانی خوێندکارانی زانکۆ و پەیمانگاکان دەستیپێکردەوە

پۆڵەتیک پرێس:

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

خۆپیشاندانی خوێندکارانی زانکۆ و پەیمانگاکانی سلێمانی و چەند شار و شارۆچکەیەکی هەرێمی کوردستان دژی بڕینی دەرماڵەکانیان دەستیپێکردەوە.

ئەمڕۆ یەکشەممە 5ی 12ی 2021، دوای دوو هەفتە لە راگرتنی خۆپیشاندانەکان، لەبەردەم زانکۆی سلێمانی نزیک شەقامی راپەڕین، خۆپیشاندانی خوێندکارانی زانکۆ و پەیمانگاکان دەستیپێکردەوە و داوای گەڕاندنەوەی دەرماڵەکانیان کرد.

بەقسەی بەشێک لە خوێندکاران، خۆپیشاندانی ئەمجارە جیاوازە و هێمنانە بەڕێوەدەچێت و رێگەنادەن هیچ لایەنێکی دەرەکی تێکەڵاوی خۆپیشاندانەکانیان ببێت.

لەماوەی هەفتەکانی رابردوودا، خوێندکارانی زانکۆ و پەیمانگاکانی شار و شارۆچکە جیاوازەکانی کوردستان دژی بڕینی دەرماڵەکانیان خۆپیشاندانیان دەستپێکرد.