لە زنجیرەیەک ئۆپراسیۆندا ژمارەیەک تیرۆرست دەستگیر کراون

پۆڵەتیک پرێس

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

سوپای عێراق ڕایگەیاند، لە ماوەی هەفتەیەکدا 75 تیرۆرست  لە عێراقدا دەستگیرکراون و لە ئۆپەراسیۆنەکانیشدا 10 حەشارگەی داعش خاپوورکراون.

شانەی راگەیاندنی ئەمنی عێراق ڕایگەیاند، لە 24ی تشرینی دووەم تا دووی ئەم مانگە لە چەند ئۆپراسیۆنێکدا، 75تیرۆرست دەستگیر کراون.

هەر لە ڕاگەیاندراوەکەشدا ئاماژە بەوە کراوە، هەر لە میانی ئەو ئۆپراسیۆنانەدا 10 حەشارگەی ڕێکخراوی  داعش خاپوورکراون و دەست بەسەر 11 بۆمبی چێندراو و شەش حەشارگەی چەک و تەقەمەنیدا گیراوە.

لە ماوەی دوو هەفتەی ڕابردودا چەکدارانی داعش بە چەند شێوەی جیاواز و لە چەند ناوچەی جیاوازی عێراق و هەرێمی کوردستان هێرشیان کردە شەر هێزەکانی سوپای عێراق و پێشمەرگە، بەهۆی ئەو هێرشانەوە ژمارەیەک پێشمەرگە و هاونیشتیمانی شەهید و بریندار بوون.

پەخشی راستەوخۆی رادیۆ پۆلەتیک