هێزە ئەمنییەكان چالاكوانێكی دیكەیان لە بادینان دەستگیركرد

پۆڵەتیك پرێس

لە زاخۆ هێزە ئەمنییەكان چالاكوانێكی دیكەیان دەستیگركردو تائێستاش بەفەرمی زانیاری تەواویان لە بارەی دەستگیرکردنەکەیەوە بڵاونەکردۆتەوە.

بەپێی ئەو زانیارییانەی بڵاوكراونەتەوە ئەو چالاكوانە ناوی خورشید فەرەج گولییەو لە لایەن ھێزە ئەمنیەكانەوە دەستگیركراوە.

هەر بەپێی زانیارییەكان خورشید فەرەج یەكێك بووە لە ئەو كەسانەی لە سنوری زاخۆو بادینان بەگشتی كەسێكی چالاك و دیار بووەو لەسەر زۆربەی رووداوەكانی ئەو سنورە هەڵوێستی هەبووە، هەر ئەوەش هۆكاری دەستگیركردنی بووە.

پێشتریش دەزگا ئەمنییەكانی بادینان بەبیانوی نانەوەی ئاژەو كاری سیخوڕی بۆ وڵاتان، دەیان رۆژنامەنوس و چالاكوانی مەدەنییان دەستگیركردو ژمارەیەك لەو كەسانەش بە شەش ساڵ زیندانی سزادران.

ئەو روداوەش لەسەر ئاستی ناوخۆو دەرەوە كاردانەوەی گەورەی بەدوای خۆیدا هێنا، بەجۆرێك رەخنەی توند ئاڕاستەی حكومەتی هەرێم كرا بەوەی لەو سنورە بەوشێوە نەشیاوە مامەڵە لەگەڵ رۆژنامەنوس و چالاكوانان دەكات.

لەو روداوەشدا زیاتر سەرنجەكان لەسەر ئەوە بوون كە ئەو كەسانە بەبڕیارو پێداگری مەسرور بارزانی سەرۆكی حكومەتی هەرێم كە هاوكات ئەندامی مەكتەبی سیاسی پارتیشە ئەو سزایانەیان بەسەردا سەپێنراوە.

وێنەی خورشید فەرەج

پەخشی راستەوخۆی رادیۆ پۆلەتیک