ئەنجامی کۆتایی هەڵبژاردنەکان راگەیەندرا و یەکێتی دوو کورسی دیکەی بەدەستهێنا

پۆڵەتیک پرێس:

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ئەنجامەکانی ‌ەلبژاردنی پێشوەختەی عێراق راگەیەندرا و بەپێی ئەنجامە نوێیەکان دوو کورسی لە هەولێر و نەینەوا بۆ یەکێتی زیادبوو.

ئەمڕۆ سێشەممە کۆمسیۆنی باڵای هەڵبژاردنەکانی عێراق ئەنجامی کۆتایی هەڵبژاردنی پێشوەختەی راگەیاند و بەپێی ئەو ئەنجامانە، یەکێتی توانی دوو کورسی دیکەی پەرلەمانی عێراق بەدەستبهێنێت.

بەپێی راگەیەندراوەکەی کۆمسیۆن، “بەگشتی 22 ملیۆن و 116 هەزار و 368 دەنگدەر مافی بەشداریکردنیان هەبووە و ئەوانەی چوونەتە دەنگدان و دەنگەکانیان تۆمارکراوە ژمارەیان 9 ملیۆن و 629 هەزار و 601 کەس بوو”.

رۆژی 10ی تشرینی یەکەمی ئەمساڵ هەڵبژاردنی پێشوەختەی عێراق بەڕێوەچوو کە دواتر بەهۆی راگەیاندنی ئەنجامە بەراییەکانەوە بەشێکی زۆر لە هێزە شیعەکان ناڕەزایەتییان دەربڕی و ئەنجامەکانیان بەدڵ نەبوو.