پۆڵەتیک پرێس
دروستبوون و دەرکەوتنی زیپکە یەکێکە لە کێشەکانی پێست کە بەشێکی زۆری گەنجان بەدەستیەوە دەناڵێنن، زیپکە لەسەر ڕووی پێست، مل، شان، پشت و سنگ زیاتر دەردەکەوێت، چونکە ئەو شوێنانەی جەستە زیاتر چەورن.
پێنچ خواردن یارمەتیدەرن بۆ ڕزگاربوون لە دروستبوونی زیپکە ئەوانیش:
-توو یان شاتوو
دەوڵەمەندەن بە ڤیتامینەکان، دژەئۆکسان و ڕیشاڵەکان، یارمەتی تەندروستی پێست دەدەن و دەیپارێزن.
-ماست
ماست تایبەتمەندی دژە کەڕوو و بەکتریای هەیە، سوودێکی زۆری بۆ پاککردنەوەی پێست هەیە.
-گوێز
خواردنی گوێز بەشێوەیەکی گونجاو یارمەتی نەرمکردنەوەی پێست دەدات، گوێز ئەو زەیتانەی تێدایە کە پارێزگاری لە تەندروستی پێست دەکەن و شێداری دەکەنەوە.
-دانەوێڵەکان
توێژینەوەکان دەریانخستووە دانەوێڵە و چەرەساتەکان پێست لە تیشکی خۆر دەپارێزن و چارەسەری زیپکەی پێست دەکەن.
-سێو
سێو ڕێژەیەکی زۆر ماددەی بەکتینی تێدایە کە ڕێگری لە دروستبوونی زیپکە دەکات.