جگە لە خوێندكاران چین و توێژەكانی دیكەش دەستیان بەخۆپیشاندان كرد

پۆڵەتیك پرێس

دوانیوەرۆی ئەمڕۆ خۆپیشاندان لە چەند شاروشارۆچكەیەكی دیكەی سنوری پارێزگای سلێمانی دەستپێكردو جگە لە خوێندكاران هاوڵاتیان و چین و توێژەكانی دیكەش دەستیان بەخۆپیشاندان كردو چەند شوێنێك سوتێنران.

هاوڵاتیان لە هەریەكە لە شارەكانی سلێمانی و سەیدسادق و گەرمیان و كۆیەو پیرە مەگرون و قەڵادزێ دەستیان بەخۆپیشاندان كرد.

لە سەیدسادق خۆپیشاندەران لە ناو بازاڕ گردبونەوەو شوێنی پۆلیسی هاتوچۆی شارەكەیان سوتاند، هاوكات بینای گۆڕانیان سوتاندو هەڕەشەی سوتاندنی بارەگا حزبییەكانی دیكەی وەك پارتیش دەكەن.

لە سلێمانیش خۆپیشاندەران چونە ناوبازارو لە بەردەم سەرا گردبوونەوە، دواتر هێزە ئەمنییەكان بڵاوەیان پێكردن.

لە پیرەمەگرونیش خۆپیشاندەران كتێبخانەی گشتی و پۆلیسی هاتوچۆیان سوتاندو تائێستا بەردەوامن لە خۆپیشاندان.

پەخشی راستەوخۆی رادیۆ پۆلەتیک