یەكێتی لە 46 ساڵی ڕابردوودا رووبارێك خوێنی بەخشیووەتە ئازادی كوردستان

پۆڵەتیك پرێس

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەبۆنەی رۆژی شەهیدی یەكێتییەوە ، مەكتەبی شەهیدان و تێكۆشەرانی یەكێتی راگەیەنراوێكی بڵاوكردەوە و رایگەیاند: یەكێتی لە 46 ساڵی ڕابردوودا رووبارێك خوێنی بەخشیووەتە ئازادی كوردستان و بەدەیان سەركردەو بەهەزاران فەرماندە و كادیر و پێشمەرگە و ڕێكخستنی كردووەتە قوربانی، بەو هۆیەشەوە لەنێو بزوتنەوەی رزگاریخوازی كورددا بەحزبی شەهیدان ناسراوە.

لە راگەیەندراوێكدا بورهان سەعید سۆفی، لێپرسراوی مەكتەبی شەهیدان و تێكۆشەرانی یەكێتیی نیشتمانیی كوردستان ئاماژەی بۆ ئەوەكردووە، یەكێتی لە مێژووی پڕ لە داهێنان و سەروەری خۆیدا، خاوەنی گەلێك شانازی و سەروەرییە، یەكێكیش لەو شانازییانە هەڵگیرساندنی شۆڕشی نوێی گەلەكەمانە.

لە بەشێكی دیكەی راگەیەندراوەكەدا بە بۆنەی رۆژی شەهیدی یەكێتییەوە راشیگەیاندووە، لە یادی ئەو ڕۆژە پڕ لە شكۆیە، زۆر گرنگە ئاوڕێكی جدی لە مێژوو و سەروەری و ئامانجە باڵاكانی یەكێتی و گەلەكەمان بدەینەوە و خۆمان بخەینە بەر بەرپرسیاریەتی مێژوویی، بەڵێن بەمام و هەموو شەهیدەكان بدەین، درێژە پێدەری رێبازی شەهیدان بین، هاوكات خزمەتكردنی كۆمەڵانی خەڵكی كوردستان ئەركی هەرە گرنگ و لە پێشینەی یەكێتی بێت، هەموو پێكەوە كار بۆ بەهێزكردنی یەكێتی بكەن و یەكێتی بكەنەوە بەیەكێتییەكەی مام و شەهیدە سەروەرەكان.

باسی لەوەشكردووە، لە ئێستادا هەرێم و عێراق و ناوچەكە بە قۆناغێكی هەستیارو ئاڵۆزدا گوزەر دەكات و پێویستە یەكێتی بۆ هەموو ئەگەرو پێشهاتەكان خۆی ئامادە بكات و هەموو هەوڵ و هەنگاو و بەرنامەكانی بە چەشنێك ڕێكبخاتەوە لە ئاستی قۆناغەكەدا بێت.

پەخشی راستەوخۆی رادیۆ پۆلەتیک