مونا قەهوەچی بۆ پۆڵەتیک پرێس: پەکەکە مەترسیە بۆسەر جیهان

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

مونا قەهوەچی، سکرتێری پەرلەمانی کوردستان داوای گەڕانەوەی گەنجەکان دەکات بۆ هەرێمی کوردستان و دەشڵێت: پەکەکە مەترسییە بۆسەر هەرێم و عێراق و ئایندەی جیهانیش.

مونا قەهوەچی، سکرتێری پەرلەمانی کوردستان لە کۆنگرەیەکی ڕۆژنامەوانیدا ئەمڕۆ چوارشەممە لەوەڵامی پرسیاری پەیامنێری (پۆڵەتیک پرێس) دەربارەی پرسی کۆچبەران ڕایگەیاند، ” ئەو گەنجانەی ئێمە کە کۆچیان کردووە داوا دەکەین بگەڕێنەوە هەرێمی کوردستان، چونکە هەر ئەو خاک و نیشتیمانەیە مافەکان و شەرەف و  ناموسیان دەپارێزێت”.

وتیشی: لەڕاستیدا ئێمە وەکو پێکهاتەی تورکمان، هیچ کاتێک لەگەڵ ئەوەدا نین هیچ گەنجێک وڵاتی خۆی و خاک و نیشتیمانی خۆی بەجێبهێڵێت، چونکە خاک و نیشتیمان ئازیزە، وە ئەوەی هەرێمی کوردستان دەستەبەری کردووە بە بەراوردکردن بە ناوچەکانی دیکەی عێراق سەرەڕای مەترسی داعش و سەرەڕای مەترسی و فشارەکان لەلایەن بەشێک لە وڵاتانەوە هەرێمی کوردستان توانیویەتی ئەمن و ئاسایش و سەقامگیری ئەم وڵاتە بپارێزێت.

لەبارەی ئەوەی ئایا پەکەکە یەکێکە لە مەترسییەکان تا ببێتە هۆکاری کۆچی گەنجان، مونا قەهوەچی وتی: هەموو مەترسییەک هۆکارە بۆ ئەوەی گەنجان کۆچ بکەن و لە خاک و وڵات و نیشتیمانی خۆیاندا، بێگومانیش پەکەکە مەترسییەکی گەورەیە لەسەر ناوچەی ئاسایشی هەرێمی کوردستان، هەبوونی پەکەکە لە ناوچە کوردییەکانی دەرەوەی ئیدارەی هەرێمی کوردستانیش مەترسییەکی گەورەیە، هەبوونی پەکەکە تەنیا مەترسی نییە لەسەر هەرێم، بەڵکو مەترسییە لەسەر هەرێم و عێراق و ئایندەی جیهانیش.

پەخشی راستەوخۆی رادیۆ پۆلەتیک