هۆکارە نادیارەکانی هەناسەتەنگی

پۆڵەتیک پرێس

بەشێوەیەکی گشتی هەموو کەسێک ڕۆژانە ڕوبەڕووی هەناسەتەنگی دەبنەوە لەکاتی ڕۆیشتن یان سەرکەوتن بەسەر پلیکانەدا، بەڵام هەندێک کەس بەردەوام هەناسەیان تەنگە بێئەوەی هۆکارەکەی بزانن.

هۆکارە نادیارەکانی هەناسەتەنگی:

-هەبوونی کێشەکانی هەناسەدان وەک ڕەبۆ، گیران و هەوکردنی سییەکان هۆکارێکە بۆئەوەی بەردەوام یان بۆکاتێکی زیاتر هەست بە هەناسەتەنگی بکەیت.

-نەخۆشیەکانی دڵ و دەمارەخوێنەکان وەک جەڵتەی دڵ و ناڕێکی لێدانی ترپەی دڵ، هۆکارێکی دیکەی هەناسەتەنگیە.

-لەکاتی دوودڵی و دڵەڕاوکێیدا هەناسەتەنگی حاڵەتێکی ئاساییە، چونکە قەلەقی هۆکارێکی سەرەکیە بۆ هەناسەتەنگی.

-ئەو کەسانەی هەستیاریان بە پیسی ژینگە، کەڕوو، تۆز هەیە زیاتر توشی هەناسەتەنگی دەبن، چونکە ئەو ماددانە دەبنە هۆی دروستبوونی هەستیاری و کێشەی هەناسەدان.

-زانایان باس لەوە دەکەن زیادبوونی کێش یان قەڵەوی هۆکارێکی سەرەکی دیکەیە بۆ هەناسەتەنگی.

-شێرپەنجەی سی یان ئەو جۆرە شێرپەنجانەی نزیکن لە سییەکانەوە دەبنە هۆی هەناسەتەنگی.