هەڕەشەیەکی نوێ لە هاوپەیمانی فەتحەوە

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

هاوپەیمانی فەتح رایگەیاند، وڵاتانی بیانی دەیانەوێت لەناومانببەن لەدوای ئەوەی زانییان دەنگ بە چوونەدەرەوەی ئەمریکا دەدەین لە عێراق، وتیشی: ئەگەر سەرلەنوێ ژماردنی دەستیی بۆ ئەنجامەکانی هەڵبژاردن نەکرێت بەشداری حکومەتی داهاتوو ناکەین.

لایخۆیەوە قوسەی شەبەکی، ئەندامی هاوپەیمانی فەتح رایگەیاند، لایەنە بیانییەکان بە هەموو شێوە و ڕێگایەک کاردەکەن بۆ کۆتاییهێنان بە دەستەی حەشدی شەعبی و هاوپەیمانی فەتح، ئەمەش لەڕێی ساختەکاری ئەنجامەکان و دەبرکردنی هەوڵی تیرۆرکردنی مستەفا کازمی سەرۆک وەزیرانی عێراقەوە ئەنجامدەدەن.

وتیشی: ئەگەر سەرلەنوێ ژماردنەوەی دەستیی بۆ سەرجەم دەنگەکانی هەڵبژاردنی پێشوەختە نەکرێتەوە، بەشداری لە حکومەتی داهاتووی عێراقدا ناکەین و دەچینەپاڵ ئۆپۆزسیۆن یان بڕیارێکی دیکە دەدەین.

ئەوەش لەکاتێکدایە، لە هەڵبژاردنی پێشوەختەی عێراق کە لە رۆژی 10ی تشرینی یەکەمی ئەمساڵ ئەنجامدرا، دەنگەکانی هاوپەیمانی فەتح بەشێوەیەکی بەرچاو کەمیکرد.