پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئاسایشی رۆژئاوای كوردستان راگەیەندراوێكی لەبارەی هێرشكردنە سەر ئۆتۆمبێلێك لە شاری قامشلۆ بڵاوكردەوە و رایگەیاند، ئۆتۆمبێلەكە لەلایەن فڕۆكەی بێفڕۆكەوانی توركیاوە كراوەتە ئامانج.
فەرماندەیی گشتیی “هێزی ئاسایشی ناوخۆ لە باكووری رۆژئاوای سووریا” لە راگەیەندراوێكدا كە ئێوارەی رۆژی سێشەممە 9-11-2021 بڵاویكردەوە، رایگەیاند: لە بەردەوامیی پێشێلكارییەكانی داگیركاریی توركی بەرامبەر بە ناوچەكانمان و پابەندنەبوون بە هەموو پەیماننامە نێودەوڵەتییەكان، سێ كەسی سڤیل لە یەك خێزان شەهیدبوون”.
لە راگەیەندراوەكەدا، ئاسایشی رۆژئاوای كوردستان دەڵێت، ئەو سێ كەسەی گیانیان لە دەستداوە لە یەك خێزانن و ناوەكانیشیانی ئاشكراكردووە، كە هەریەك لە یوسف گلۆ، مەزڵووم گلۆ و محەممەد گلۆن.
ئاسایشی رۆژئاوای كوردستان ئاماژە بەوە دەكات كە هێرشەكە بە فڕۆكەیەكی بێفڕۆكەوانی توركی ئەنجامدراوە.