پۆڵەتیک پرێس
درەنگانی شەوی رابردوو ئاگرێک لە شاخی گۆیژە کەوتووەتەوە و بەهۆی بەهێزی رەشەباوە ئاگرەکە بەخێرایی تەشەنەی کردووە، بەهۆیەوە بەشێکی زۆری پوش و پاوانی شاخەکە سوتا.
لەوبارەیەوە، هەڤاڵ ئەبوبەکر پارێزگاری سلێمانی لە هەژماری فەرمی خۆی لە فەیسبووک بڵاویکردەوە، “ئەمشەو تا بەری بەیان لەگەڵ تیمە جوامێرەکانی پۆلیسی بەرگریی شارستانیی و پۆلیس و ئاسایش و لیوای یەکی پاراستنی سلێمانی و لیواکانی سکرتایەت و هاونیشتمانانی دڵسۆزدابووین بۆ پاراستنی گیان و سامانی دانیشتوانی کۆمەڵگا نیشتەجێبونەکانی گۆیژە و کوژاندنەوەی ئاگرە مەترسیدارەکەی شاخی گۆیژە.”
ئەوەشی خستووەتەڕوو، “سوپاس بۆ هیمەتی هەموو لایەک لە کاتژمێر پێنجی بەرەبەیاندا کۆنترۆڵکرا”، دەشڵێت، بەدواداچون بۆ کەمتەرخەمیی و هۆکاری کەوتنەوەی ئاگرەکە دەکەن.
لە چەند رۆژی رابردووشدا، بەهەمان شێواز ئاگرێکی دیکە لە شاخی گۆیژە کەوتەوە، بەڵام تیمەکانی بەرگری شارستانی پێش ئەوەی ئاگرەکە پەرەبسەنێت کۆنتڕۆڵیان کرد.