سوودەکانی جەلی بۆ تەندروستی گەدە

پۆڵەتیک پرێس

پزیشکێکی پسپۆڕ لە بواری خۆراک دەڵێت جەلی هەڵبژاردەیەکی باشە بۆ ئەو کەسانەی کێشە گەدەیان هەیە بەتایبەتی ئەوانەی هەوکردن و برینی گەدەیان هەیە، بۆیە ڕێنمای ئەو کەسانە دەکات کە وەک ژەمێکی سوک بەکاریبهێنن.

جەلی سوودێکی زۆری بۆ ئەو کەسانە هەیە کە بەکتریای گەدەیان هەیە و ڕێگری لە گەشەی بەکتریا و چارەسەری برینی گەدە دەکات، یارمەتی دابەزاندنی کۆلیستڕۆڵ دەدات و مەترسی توشبوون بە نەخۆشیەکانی دڵ و دەمارە خوێنەکان کەم دەکاتەوە.

جەلی بەچەندین تامی جیاوازی میوەکان بەردەستە، ڕێژەیەکی زۆر شەکر و کاربۆهیدراتی تێدایە، بۆیە ئەو کەسانەی نەخۆشی شەکرەیان هەیە پێویستە لە خواردنی جەلی دووربکەونەوە یان بەڕێژەیەکی زۆر کەم بیخۆن.