بەوێنە..قائیمقامیەتی سلێمانی کۆمەڵێک دەرمان لەناو دەبات

پۆڵەتیک پرێس

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

قائیمقامیەتی سلێمانی، بڕێکی زۆر دەرمانی ماوە بەسەرچوو لەناو دەبات، خاوەنەکەشی ڕوبەڕووی ڕێکساری یاسایی توند دەکاتەوە.

د.ئەحمەد عەزیز، سەرۆکی لیژنە هاوبەشەکانی قائیمقامیەتی سلێمانی وتی، له‌لایه‌ن ئاسایشی سلێمانیه‌وه‌ ئاگاداركراینه‌وه‌ له‌ هه‌بونی بڕێكی زۆر ده‌رمانی ماوه‌به‌سه‌رچو كه‌ گه‌ڕه‌كێك فڕێدرابون، دوای به‌دواداچونی لیژنه‌ هاوبه‌شه‌كان خاوه‌نی ده‌رمانه‌كه‌ دۆزرایه‌وه‌.

ڕوونیشی کردەوە، “له‌ناوبردنی ده‌رمان پێویستی به‌ رێگه‌ی تایبه‌ت و به‌شێوه‌ی زانستی هه‌یه‌ بۆ له‌ناوبردنی، به‌ڵام خاوه‌نی ئه‌م ده‌رمانانه‌ له‌ پارچه‌ زه‌ویه‌كی به‌تاڵی گه‌ڕه‌كێكی سلێمانی فڕێیدابون، كه‌ئه‌وه‌ش بێجگه‌ له‌ زیان گه‌یاندنی به‌ ژنیگه‌ له‌هه‌مانكاتدا به‌رده‌ستی منداڵ بكه‌وێت و به‌ هه‌ڵه‌ به‌كاربهێنرێت، بۆیه‌ به‌فه‌رمانی قائیمقامی سلێمانی خاوه‌نی ده‌رمانه‌كه‌ روبه‌ڕوی رێكاری یاسایی توند ده‌كرێته‌وه “‌.

ئاماژەی بەوەشدا، لەکاتی هەبونی گومان یان بۆ گەیاندنی سکاڵا و زانیاری بەقائیمقامیەتی سلێمانی و لیژنە هاوبەشەکان، پەیوەندی بە ژمارە مۆبایلی (07708677777)ـەوە بکەن.

No photo description available.

No photo description available.

No photo description available.

 

پەخشی راستەوخۆی رادیۆ پۆلەتیک