پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەنجوومەنی سەركردایەتیی یەكگرتووی ئیسلامیی كوردستان كۆبووەوە و لەبارەی پرسی پێكهێنانی حكومەتی نوێی عێراق بڕیاریدا بەشداری لە كابینەی نوێی حكومەتی عێراق نەكات.
رۆژی پێنجشەممە 28-10-2021 ئەنجوومەنی سەركردایەتیی یەكگرتووی ئیسلامیی كوردستان كۆبوونەوەی ئاسایی كرد، لەبارەی پرسی پێكهێنانی كابینەی داهاتووی حكومەتی ناوەندی لە بەغدا بڕیاریانداوە بە بەشدارینەكردن، هاوكات رایانگەیاندووە، خەبات و بەرگریكردن لە مافە رەواكانی گەلەكەمان بە ئەركی خۆمان دەزانین و نایبەستینەوە بە بەشداربوون و وەرگرتنی شایستەی هەڵبژاردنی حیزبی خۆی لە حكومەتی ناوەند.
لە تەوەرێكی دیكەی كۆبوونەوەكەدا ئەگەر و پێشهاتەكانی دوای هەڵبژاردن تاووتوێ كراوە و جەخت لەسەر “سیاسەتی نەگۆڕ و مەبدەئی یەكگرتووی ئیسلامیی كوردستان كراوەتەوە، كە داكۆكیكارێكی بەهێزی پارێزگاریكردنە لە پێگەی سیاسیی هەرێمی كوردستان و بەرژەوەندییە باڵاكانی گەلی كوردستان، هەروەك گەڕاندنەوەی كەركووك و ناوچە كوردستانییەكانی دەرەوەی ئیدارەی هەرێمیش بۆسەر هەرێمی كوردستان بە ئەركێكی نیشتمانی و نەتەوەیی دەزانێت، نوێنەرەكانیشی لە بەغدا بەردەوام لەو بوارەدا پێشەنگ بوون و بەرگریكارێكی بوێر و دڵسۆزی مافە دەستوورییەكانی گەلەكەمان بوون، لە ئێستا و ئاییندەشدا درێژەپێدەری هەمان رێباز و سیاسەتی نەگۆڕی یەكگرتوو دەبن”.
رۆژی 10-10-2021 لە عێراق و هەرێمی كوردستان هەڵبژاردنی پێشوەختە بەڕێوەچوو، دەنگدەران دەنگیاندا بۆ هەڵبژاردنی 329 ئەندامی ئەنجوومەنی نوێنەرانی عێراق. چوارپاڵێوراوی یەكگرتووی ئیسلامیی كوردستان توانییان سەركەوتن بۆ ئەنجوومەنەكە بەدەستبهێنن.
قەیوان گروپ
مایۆرکا سیتی جوانییەک لە دڵی سروشتدا
