كۆمەڵ: بەشداری هیچ گفتوگۆیەك بۆ پێكهێنانی حكومەتی عێراق ناكەین

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وتەبێژی كۆمەڵی دادگەریی رایدەگەیەنێت، بەشداری هیچ گفتوگۆ و دانووستانێك ناكەن بۆ پێكهێنانی حكومەتی داهاتووی عێراق.

لە لێدوانێكی رۆژنامەوانییدا لە محەمەد حەكیم، وتەبێژی كۆمەڵی دادگەری كوردستان رایگەیاند: ئێمە لە كۆمەڵی دادگەریی كوردستان، رایدەگەیەنین بەشداری هیچ گفتووگۆ و هاوپەیمانییەك بۆ پێكهێنانی كابینەی داهاتووی حكومەتی عێراق ناكەین.

لە دوایین هەڵبژاردنی پەرلەمانی عێراق كە رۆژی 10 ی ئەم مانگە ئەنجامدرا كۆمەڵی دادگەری كوردستان یەك كورسی پەرلەمانیی بە دەستهێناو ئەمنجامەكەش نیگەرانی و ناڕەزایەتی لەناو كۆمەڵدا دروستكرد.

رۆژی 16 ی ئەم مانگە لە كۆبوونەوەی ئەنجومەنی سەركردایەتیی كۆمەڵی دادگەریی بۆ تاووتوێی ئەنجامەكانی هەڵبژاردنی پەرلەمانی عێراق، ئەنجوومەنی باڵا دەستلەكاركێشانەوەی خۆی خستە بەردەم ئەنجوومەنی سەركردایەتی، بەڵام لەلایەن سەركردایەتییەوە ڕەت كرایەوە.