بەوێنە.. دەرهێنانی مۆبایلێک لە گەدەی نەخۆشێکدا ببینە

پۆڵەتیک پرێس

تیمێکی پزیشکی لە نەخۆشخانەی زانکۆی ئەسوان لە میسر توانیان ئامێرێکی مۆبایل لە گەدەی نەخۆشێک دەربکەن کە بەدەست ئازارێکی زۆر لە سکیدا دەیناڵاند.

پزیشک محەمەد دەهشوری وتی: نەخۆشخانەکە زۆر بەڕێزەوە نەخۆشەکەیان وەرگرت، دوای ئەنجام دانی پشکنین و وێنە بۆ نەخۆشەکە بۆیان دەرکەوت هەوکردنێکی زۆر لە سک و ڕیخۆڵەیدا هەیە، بۆیە پزیشکەکان بڕیاریاندا بۆ ڕزگار کردنی ژیانی راستەوخۆ نەشتەرگەری بۆ ئەنجام بدەن.

لەکاتی نەشتەرگەریەکدا پزیشکەکان بۆیان دەرکەوت شتێکی نامۆ لەناو گەدەیدا هەیە، لەدوایدا بۆیان دەرکەوت ئامێرێکی مۆبایلە، نەخۆشکە پێش شەش مانگ ئەو ئامێرەی قوت دابوو هەموو ئەو کاتەش لە گەدەیدا بووە، تا ئێستا نەخۆشخانەکە هیچ ڕوونکردنەوەیەکی نەداوە دەربارەی چۆنیەتی قوتدانی مۆبایلەکە و هەروەها قسە نەکردنی نەخۆشەکە دوای قوتدانی.