ڕۆژانە خواردنی گوێز لە نەخۆشیەک دەتپارێزێت

پۆڵەتیک پرێس

کاتێک باس لە سیستمی خۆراکی تەندروست دەکرێت چەرەساتەکانیش بەشێکن لەوان، چونکە سوودێکی زۆیان هەیە و وزە بە لەش دەبەخشن، گوێز یەکێکە لەو چەرەساتانەی سوودێکی سەرسوڕهێنەری بۆ لەش هەیە.

خواردنی گوێز ڕێگری توشبوون بە شەکرە لەجۆری دوو دەکات، بەشێوەیەکی گشتی هەموو چەرەساتەکان ئەو ئەنزیمانەیان تێدایە کە کرداری هەرس باشتر دەکەن، لەگەڵ ئەوەشدا ڕۆژانە خواردنی گوێز بەڕێژەیەکی گونجاو ڕێگری توشبوون بە شەکرە لەجۆری دوو دەکات، چونکە دەوڵەمەندە بە ڕێشاڵەکان و کۆنتڕۆڵی ڕێژەی شەکری خوێن دەکات.

گوێز چەوری و ئۆمێگا3ی تێدایە یارمەتی کەم کردنەوەی کۆلیستڕۆڵی خوێن دەدات و پارێزگاری لە تەندروستی دڵ دەکات، ڕێژەیەکی زۆریش زەیتی سروشتی تێدایە کە سوودێکی زۆریان بۆ پێست و قژ هەیە، لەگەڵ ئەوانەشدا یارمەتی کەم کردنەوەی هەوکردنەکان و ئەگەری توشبوون بە شێرپەنجە دەدات.