پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
مستەفا کازمی، سەرۆکی حکومەتی کاربەڕێکەری عێراق رایگەیاند، یەکێک لە دیارترین سەرکردەکانی رێکخراوی داعش دەستگیرکرا.
لە تویتێکدا کازمی رایگەیاند، “لە کاتێکدا کە چاوی پاڵەوانەکانمان لەناو هێزەکانی ئاسایش لەسەر پاراستنی پڕۆسەی هەڵبژاردنەکانی عێراق بوو، باڵی ڕەسەنی ناو هەواڵگری یەکێک لە سەختترین ئۆپەراسیۆنەکانی لە سنوورەکانی دەرەوە جێبەجێ دەکرد”.
وتیشی: لەو ئۆپەراسیۆنەدا داواکراو (سامی جاسم) سەرپەرشتیاری دارایی رێکخراوی داعش و جێگری ئەبو بەکر بەغدادی، سەرکردەی پێشووی رێکخراوەکە دەستگیرکرا.
دوێنێ یەکشەممە، کاتێک بەشداری پڕۆسەی دەنگدانی گشتی هەڵبژاردنی پێشوەختەی عێراقی کرد، مستەفا کازمی ئاشکرای کرد، ئەمڕۆ دووشەممە رووداوێکی گەورەی ئەمنی رادەگەیەنێت.