ساختەکارییەکی بەکۆمەڵ لە فڕۆکەخانەی سلێمانی ئاشکرا کرا

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بنكەی نشینگەی فڕۆكەخانەی نێودەوڵەتی سلێمانی، گروپێكی ساختەكاری لە فڕۆكەخانەی سلێمانی ئاشكرا كرد، كە بەنیاز بوون بە بەڵگەنامەی ساختەوە بچنە وڵاتێكی ئەوروپیەوە.

ئەمڕۆ چوارشەممە بەڕێوەبەرایەتی نشینگەی سلێمانی لە راگەیەندراوێکدا ئاماژەی بەوەکرد، ئەو گروپە ساختەكارییەی ئاشکرا کراوە لە 24 كەس پێكهاتبوون، كە لە رێگای كۆمپانیایەكی فڕۆكەوانیەوە ڤیزای ساختەی وڵاتی ئەندۆرا-یان بۆ دابین كرابوو.

ئەوەش هاتووە، “ئەو کەسانە بەنیاز بوون رۆژی 5ی تشرینی یەکەمی 2021 لە گەشتی (سلێمانی – دۆسڵدۆرف) گەشت بكەن، بەڵام لەلایەن ئەفسەران و كارمەندانی بەڕێوەبەرایەتیمان لە بنكەی نشینگەی فرۆكەخانە، ساختەكارییەكەیان ئاشكرا كرا و بە نوسراوی فەرمی رادەستی بنكەی پۆلیسی فڕۆكەخانە كران، بۆ ئەوەی رێكاری یاساییان بەرامبەر بگیرێتە بەر”.

لە کۆتایی راگەیەندراوەکەشدا ئاماژە بەوەکرا، ئەفسەران و كارمەندانی بنكەی نشینگەی فڕۆكەخانە، بەردەوام رێگری لەو كەسانە دەكەن، كە دەیانەوێت بە بەڵگەنامەی ساختەوە گەشت بكەن، كە هەندێك جار لە شێوەی گروپ و بە بیانووی جیاوازە دەیانەوێت گەشت بكەن.

پەخشی راستەوخۆی رادیۆ پۆلەتیک