پێنج خواردن یارمەتی دابەزاندنی کێش دەدەن

پۆڵەتیک پرێس

دابەزاندنی کێش لای هەندێک کەس زۆر قورسە و ناتوانن ئەنجامی بدەن، بەڵام هەڵبژاردنی سیستمی خۆراکی گونجاو و تەندروست یارمەتی دابەزاندنی کێش دەدات.

پێنج خواردن یارمەتی دابەزاندنی کێش دەدەن:

-بابەتی شیرەمەنیەکان
پەنیر و ماستی سروشی سەرچاوەیەکی سەرەکی پڕۆتینی سوکن کە نابنە هۆی کۆبونەوەی چەوری زیادە، بۆیە دەتوانرێت وەک ژەمێکی سوک بۆ دابەزاندنی کێش بەکاربهێنرێت، چونکە هەستی تێربوون زیاد دەکات.

-شیر
خواردنەوەی شیری گەرم پێش خەوتن سوودێکی تەندروستی زۆر بە جەستە دەگەیەنێت و یارمەتی دابەزاندنی کێش دەدات.

-هێلکە
بۆ دابەزاندنی کێش پێویستە هێلکە تەنها لە بەیانیاندا نەخورێت بەڵکو لە شەوانیشدا، چونکە ڕێژەیەکی زۆر پڕۆتینی تەندروستی تێدایە، باشترە بە کوڵاویش بخورێت.

-ماسی سپی
ماسیەکان سەرچاوەیەکی سەرەکی پڕۆتینن و سوودێکی زۆریان بۆ دابەزاندنی کێش هەیە، بۆیە باشترە ئەو جۆرانە زیاتر بخورێت کە چەوریان کەمە.

-سەوزەواتەکان
دەتوانرێت سەوزەواتەکان بە کوڵاوی وەک ژەمێکی ئێوارە بخورێت، چونکە دەوڵەمەندن بە ڤیتامین و کانزا و ڕیشاڵەکان یارمەتی دابەزاندنی کێش دەدەن و لەش لە ژەهرەکان ڕزگار دەکەن.