ئەنجامی بەرایی هەڵبژاردنی ئەڵمانیا ئاشكرا دەكرێت

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

رۆژی یەكشەممە 26_9_2021، هەڵبژاردنی پەرلەمانی ئەڵمانیا بە بەشداری 47 پارتی سیاسی ئەنجامدرا، بەپێی ئەنجامە بەراییەكان دەنگەكانی پارتەكانی كریستییان دیموكرات و سۆسیال دیموكرات لەیەكەوە نزیكن و هەردوكیان 25%ی دەنگەكانیان بەدەستهێناوە، هاوكات پارتی سەوز 15% و پارتی لیبڕاڵەكانیش 11%ی دەنگەكانیان بەدەستهێناوە.

بەرەبەیانی رۆژی یەكشەممە لە ئەڵمانیا بنكەكانی دەنگدان بەڕووی زیاتر لە 60 ملیۆن دەنگدەر بۆ هەڵبژاردنی ئەندامانی پەرلەمان و راوێژكاری داهاتووی ئەو وڵاتە كرانەوە.

ئەنگێلا مێركڵ ماوەی16ساڵە راوێژكاری ئەڵمانیایە و بەهۆی بەهێزی و ئەو دەستكەوتانەی بەدەستی هێناوە بۆ وڵاتەكەی نازناوی “خانمی پۆڵاینی” پێدرابوو.

بەپێی ئەنجامەكان و پێشبینی راپرسییەكان، ئەوە روون بووەتەوە كە حكومەتی داهاتو هاوپەیمانی دەبێت، بەهۆی ئەوەی هیچ كام لە حیزبەكان چاوەڕێی ئەوەیان لێناكرێت كە بەتەنیا كورسیی تەواو بەدەستبهێنن بۆ ئەوەی حكومەت پێكبهێنن.