پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
نێچیرڤان بارزانی رایگەیاند، دەرفەتەکانی سەرمایەگوزاری و وەبەرهێنانی تورکی لە هەرێمی کوردستان زۆر لەبار و فراوانن و رێگەی بازاڕی گەورەی عێراق بۆ بازرگانی بە هەرێمی کوردستاندا تێدەپەڕێت.
لەمیانەی کۆبوونەوەی نێوان نێچیرڤان بارزانی و محەمەد موش، وەزیری بازرگانی تورکیا کە ئەمڕۆ یەکشەممە لە هەولێر بەڕێوەچوو، هەردوولا جەختیان لە خواستى برەودان بە پەیوەندییە بازرگانى و ئابوورییەکانى هەرێمى کوردستان و عێراق لەگەڵ تورکیا کردەوە و هاوڕا بوون کە پێویستە هەموو گرفتەکانى بەردەم فراوانکردنى بوارەکانى بازرگانى و ئابوورى لەنێوان هەردوولادا، چارەسەر بکرێن.
هاوکات، نێچیرڤان بارزانی ئامادەیی هەرێمی کوردستانی بۆ پێشکەشکردنی هەموو ئاسانکارییەکی پێویست بۆ سەرمایەگوزارى و بازرگانیى تورکیا لەگەڵ هەرێمى کوردستان و عێراق نیشاندا.
لاىخۆیەوە وەزیرى بازرگانیى تورکیا خواستى وڵاتەکەى بۆ برەودان بە پەیوەندیى بازرگانی و فراوانکردنى چالاکییە ئابوورییەکانى لە هەرێمى کوردستان دووپات کردەوە و ئاماژەى بە چەند نموونەیەکى سەرکەوتووى وەبەرهێنان و سەرمایەگوزاریى تورکی لە وڵاتانى ناوچەکە کرد کە بە هەمان شێوە لە هەرێمى کوردستان دووبارە بکرێنەوە، لەوێشەوە بەرەو هەموو ناوچەکانى دیکەى عیراق فراوان بکرێن.