پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەمڕۆ شەممە 18ی ئەیلوولی 2021، مەسرور بارزانی، سەرۆکی حکومەتی هەرێمی کوردستان پێشوازی لە ڤیۆلا ڤۆن کرامۆن، سەرۆکی نێردەی یەکێتی ئەوروپا بۆ چاودێریکردنی هەڵبژاردنەکانی عێراق و شاندێکی یاوەری کرد.
لەمیانەی ئەو دیدارەدا ڤیۆلا ڤۆن کرامۆن جەختی لەوەکردەوە، ئەرکی ئەوان لەم هەڵبژاردنەدا تەنیا چاودێریکردنە و دەستوەردان لە بەڕێوەچوونی پڕۆسەی هەڵبژاردنەکاندا ناکەن.
لایخۆیەوە سەرۆکی حکومەتی هەرێم هیوای خواست، پڕۆسەی هەڵبژاردن بەشێوەیەکی ئارام و دادپەروەرانە و دوور لە ساختەکاری و توندروتیژی بەڕێوەبچێت، بەتایبەتی لە ناوچە کوردستانییەکانی دەرەوەی ئیدارەی هەرێم.
هاوکات، ئامادەیی دامودەزگاکانی حکومەتی هەرێمی کوردستانیشی بۆ هەر هاوکاری و هەماهەنگییەکی پێویست لەگەڵ نێردەی یەکێتی ئەوروپا دەربڕی.
پێنجشەممەی رابردوو ڤیۆلا ڤۆن کرامۆن لەمیانەی کۆنگرەیەکی رۆژنامەوانی لە بەغدا وتی: لە چەند رۆژی داهاتوودا سەردانی هەولێر دەکەین بەمەبەستی ئاگاداربوون لە ئامادەکارییەکانی هەڵبژاردن لە هەرێمی کوردستان.
قەیوان گروپ
مایۆرکا سیتی جوانییەک لە دڵی سروشتدا
